საქართველოს კალათბურთელთა ეროვნული ნაკრები ევრობასკეტ 2022-ის საკვალიფიკაციოსთვის ემზადება

თარიღი: 15:55, 25.11.2020


ეროვნული გუნდი ევრობასკეტ 2022-ის საკვალიფიკაციო ტურნირის მომდევნო 2 მატჩს ფინეთის ქალაქ ესპოოში გამართავს. ილიას ზუროსის გუნდი 28 ნოემბერს მასპინძელ ფინეთს, ხოლო 30 ნოემბერს შვეიცარიას დაუპირისპირდება.
კორონა ვირუსის პანდემიის გამო ფიბა-მ გათამაშების ფორმატი შეცვალა და მომავალ ევროსაკვალიფიკაციო ფანჯრის მატჩებს ეგრეთ წოდებული “ბაბლის” პრინციპით ატარებს, რაც თითო ჯგუფის ყველა თამაშის ერთ ქვეყანაში, კონკრეტულად კი ერთ დარბაზში გამართვას გულისხმობს.
საქართველოს ეროვნულმა ნაკრებმა ესპოოს “მეტრო არენაზე” პირველად ივარჯიშა.ილიას ზუროსმა მილოშ გლიგორიევიჩთან, გეორგიოს ლიმნიატისთან და ანატოლი ბოისასთან ერთად გუნდი სხვადასხვა კომპონენტებზე ავარჯიშა.
ტრავმების გამო ნაკრებს 3 მოთამაშე ვერ დაეხმარება – რატი ანდრონიკაშვილი, რომელმაც ჯვარედინი მყესები გაიწყვიტა,  გოგა ბითაძე და ბექა ბურჯანაძე, რომლებსაც მუხლი აწუხებთ.ფინეთში ვერ ჩადიან ასევე ყატარსა და არაბთა გაერთიანებულ საამიროებში მოთამაშე ჩვენი ნაკრების გამოცდილი კალათბურთელები – გიორგი ცინცაძე, დუდა სანაძე და მიხეილ ბერიშვილი.
დანაკლისის გათვალისწინებით, ილიას ზუროსს რამდენიმე ახალი მოთამაშის გამოძახება მოუხდა. ეროვნულ გუნდში პირველად მიიწვია გივი ბაქრაძე, რომელიც შექმნილი ვითარების გათვალისწინებით ძირითად გუნდშიც მოხვდა. ოფიციალური ტურნირის ძირითად შემადგენლობაში პირველად მოხვდნენ ახალგაზრდა მოთამაშეები – ალექსანდრე ფევაძე და ლუკა ბულაშვილი, ხოლო ლუკა ზაქრაძე ეროვნულ გუნდს 4-წლიანი პაუზის შემდეგ დაუბრუნდა.

საქართველოს კალათბურთის ნაკრების გენერალური სპონსორია adjarabet.com


კომენტარები:

უახლესი სიახლეები

15.01.2021გახსენი საახალწლო საჩუქრები აჭარაბეთზე 08.01.2021„აჭარაბეთის“ საპატიო ელჩი გიგა ჭიკაძე MMA Junkie-ს 2020 "Under The Radar წლის საუკეთესო მებრძოლი" გახდა! 30.12.2020აჭარაბეთზე ახალი წელი უკვე დაიწყო! 08.12.2020„აჭარაბეთმა“ კორპორაციული სოციალური პასუხისმგებლობის ფარგლებში ახალი ინიციატივა წარადგინა 08.12.2020აჭარაბეთზე ახალი წელი უკვე დაიწყო! 26.11.2020„აჭარაბეთმა“ კორპორაციული სოციალური პასუხისმგებლობის პლატფორმა „ინიციატივა“ წარადგინა 25.11.2020საქართველოს კალათბურთელთა ეროვნული ნაკრები ევრობასკეტ 2022-ის საკვალიფიკაციოსთვის ემზადება 13.11.2020აჭარაბეთზე სამაგიდო თამაშების საშემოდგომო სეზონი დაიწყო